لو ترجع بعد وترد الايام
وترد عگلي السكن بين المنافي
ماارجع لان حبيتك احلام
صحيت اتأكدت چنت اني غافي
شمل قانون جرحك كلشي بالروح
وخبطت ظنوني لمن چنت صافي
وفيت الدمع وانكرت الخياط
الى حد الجرح چنت اني اوافي
مذلول وجرحت احساسي والروح
تريد ارضه بدغش زيف القوافي؟
شرطي ارضى بطريقه لمن يروح
للسياب تمثال الرصافي
اشفت وياك گلي لخاطرك كول؟
فقط دمع وجرح موت وتجافي
اللولي اعله السهر بعيوني لو نام
دلي اللول السهر نوم العوافي
چنت ببالي ساكن لكن اليوم
بلا مطرود اطلع بالي مسدود
طميتك متت عديت چم يوم
احفرت كبرك لگيتك ماكل الدود
ورغم گايدني بيدك لكن احساس
بيه يصيح انت لموت مگيود
عشها انت چنت والروح چن طير
شما تبعد وتعله تردلك اردود
وهسه احركت عشها تريدها شلون
غشيمه لموتك انت تريدها تعود
تقبلوا مني محبتي
موضوع: لو ترجع بعد وترد الايام 
السبت أكتوبر 17, 2009 2:55 pm
