كفني منك رحمة للكعبة :((

كفني منك !!!
مالي حيل اظنون تاخذني وتودي
كفني من ادموع
صار اسنين مطبوعه اعله خدي
ماكفاك الصار ؟؟؟
والشفته اعله ايدك ؟؟
يمعود دهدي !!
شبقه بكلبي وتذب اسهام حسبالك تعدي !!
كف دخيلك
مالي حيلك
هيه عشره !! مو تحدي
كفني عديت اربعيني
وعالتقاعد صار ودي
مااود .. ولااريدن من يودني
ايست وانعرف حدي
هذا حدي !!
من بعتني اشتعتقد ؟؟؟
اظل لوصالك أجدي ؟؟؟
لوتريد ابقه ابعذابك
اترس ابمنخل وابدي
عبد عند اليشتريني
واليبيع ايصير ضدي
وانته ضدي !!!!
وارد ابيعك !!
جرب وشوف اللي بعدي
كفني منك
مالي حيلك
ومالي حيل اظنون تاخذني وتودي